Friday, January 8, 2010
, Posted by shaheer at 6:57 PM
മുസ്ലിം ലോകവും അമേരിക്കയും തമ്മിലുള്ള കലുഷിതമായ ബന്ധം മാറ്റിപണിയുമെന്ന ഒബാമയുടെ വാഗ്ദാനം 2010ല് വിചാരണ ചെയ്യപ്പെടാന് പോവുകയാണ്.ഏപ്രിലില് അങ്കാറയിലും ജൂണില് കൈറോയിലും ഒബാമ നല്കിയ പ്രതീക്ഷകള്ക്കും അമേരിക്കയുടെ യഥാര്ത്ഥ നയങ്ങള്ക്കുമിടയില് അദ്ദേഹം എങ്ങനെ പാലം പണിയുമെന്ന് മുസ്ലിംകള് ഉറ്റു നോക്കുന്നു.ഒരു കാര്യം തീര്ത്തു പറയാം.വരുന്ന ഒരു കൊല്ലക്കാലം, ചൈനയിലെ സിന്ജിയാങ്ങ് പ്രവിശ്യയില് നിന്ന് തുടങ്ങി നിരവധിയിടങ്ങളില് അമേരിക്കയുടെ വിദേശ നയം സ്ഫോടനാത്മകമായ വെല്ലുവിളി നേരിടാന് പോവുകയാണ്.ഒബാമയുടെ വക്കും പ്രവര്ത്തിയും തമ്മിലുള്ള അന്തരം അത്രയും വലുതാണ്.അവിടവിടങ്ങളിലായി വര്ഷിക്കാത്ത ചില കാര്േമഘങ്ങളെ സൃഷ്ടിക്കാന് മാത്രമേ അദ്ദേഹത്തിന് സാധിച്ചിട്ടുള്ളൂ.മഹാത്മജിക്ക് ലഭിക്കാത്ത നോബല് സമ്മാനം നേടിയത് കൊണ്ടാരും അംഗീകരിക്കപ്പെടുന്നില്ല.ഒബാമ നല്കിയ പ്രതീക്ഷകള് പരികണിക്കുമ്പോള് കാര്യങ്ങള് ഇത്ര ദയനീയമായ ഒരു ഘട്ടതിലെതുന്നത് അത്ബുതകരമാണ്.കൃത്യമായ നടപടികള് ഒന്നുമില്ലാതെ ആത്മപ്രശംസപരമായ വാചക കസര്ത്ത്കള്ക്കിടയില് അഭിരമിക്കുകയാണ് ഒബാമ.ഫലസ്തീനിലെയോ,ഇറാനിലെയോ,അഫ്ഗാനിലെയോ,ഇറാഖിലെയോ,സംഭവ വികാസങ്ങള്ക്ക് മാറ്റങ്ങള് ഒന്നും തന്നെ കാണുന്നില്ല.ഇതൊന്നും പോരെങ്കില് ഒരു പുതിയ അക്രമമുഖം തുറക്കുകയന് അമേരിക്ക.അല്ലങ്കില് മറ്റൊരു നുണക്കഥ കൂടി.മറ്റൊരു മുസ്ലിം രാഷ്ട്രത്തിലേക്ക് കൂടി ഒളികണ്ണെറിഞ്ഞിരിക്കുകയാണ് ഈ വിരുതന്. യമനില് അമേരിക്കയുടെ ആളില്ലാ വിമാനങ്ങള് ബോംബുകള് വര്ഷിച്ചു തുടങ്ങിയിരിക്കുന്നു.പ്രത്യേക സേന ആക്രമണം നടത്തിക്കഴിഞ്ഞു.അല്-കാഇദ തന്നെയാണ് ലക്ഷ്യം???? അതെ,ഒബാമയെന്ന "സമാധാനപ്രേമി" വീണ്ടും പരിഹാസ്യനാവുകയാണ്.
Currently have 0 comments: